نقل رسمي لعقدك مع المطور لشخص تاني. بيتعمل جوه شركة المطور، واسم المشتري بيتسجّل في ملف الوحدة. مش توكيل ومش عقد بينك وبينه.

التوكيل إذن بالتصرف، بينتهي لو الموكِّل مات، وهو يقدر يلغيه، والوحدة بتفضل باسمه عند المطور. التنازل بيغيّر صاحب الحق في سجلات المطور نفسه. إحنا مش بنشتغل بالتوكيلات نهائيًا.

1% من المشتري، وعند إتمام النقل بس. البايع مبيدفعش حاجة، لا مقدّمًا ولا بعدين.

المشتري بيدفع للبايع اللي دفعه بالظبط، ولا جنيه زيادة. مفيش مبلغ خفي بيروح لوسيط، ومفيش علاوة فوق سعر التعاقد.

أغلب المطورين بيسمحوا بالتنازل بشروط. بنراجع شروط عقدك قبل ما نبدأ، ولو الوحدة مش قابلة للتنازل بنقولك من الأول.

العقد، وإيصالات السداد، وكشف حساب من المطور لو متاح. بنراجعهم قبل ما نعرض الوحدة، ومش بنعرض أي وحدة مستنداتها ناقصة.

في أغلب العقود بيتحسب على سعر الوحدة كله، مش على المبلغ المدفوع. وده اللي بيخلي خسارة الإلغاء أكبر بكتير مما الناس متوقعة. راجع عقدك، والنسبة بتختلف من مطور لمطور.

لأ. بنعرض بيانات الوحدة بس. اسمك ورقمك مبيظهروش على الموقع ومبيتبعتوش لحد غير فريقنا.

بيعتمد على المطور وسرعة استكمال المستندات. بنقولك المدة المتوقعة بعد ما نراجع عقدك.